Næringshagane i Nordfjord er eit samarbeid mellom Stryn- og Nordfjordeid Næringshagar – to kommersielle ressurssenter og kompetansenettverk – med føremål om å fremje vekst og positiv utvikling av næringsliv og samfunn.

Sognefjorden Næringshage har base i Aurland, men hjelper bedrifter i heile Sogn. Dei samarbeider tett med Sogn Næring som har god oversikt over bedriftene i Sogndal og Vik, og kompetansen i Sogn Næring er ein viktig ressurs inn i arbeidet med næringshageprogrammet. Dei arbeider med nettverk, arrangement og prosjekt. Tilbyr møterom og kontorlokale.

Går du med ein god ide du vil realisere, eller har din bedrift vekstpotensiale? Klar Bedrift arbeider med innovasjon og verdiskaping for både nye og eksisterande bedrifter.

Base i Sløvåg, men dekker Nordhordland, Gulen, Solund, Hyllestad og Sør-Høyanger

Hardanger og Voss Næringshage skal vera ei drivkraft for utvikling i regionen. Samlande, framsynt og kunnskapsrik. Dei er ein naturleg partner i lokal og regional næringsutvikling.

Dei dekker kommunane Voss, Kvam, Ulvik, Eidfjord, Ullensvang og Kvinnherad

Medvind24 Næringshage legg til rette for nyskaping og vekst i eksisterande næringsliv i Etne og Vindafjord. Dette gjer dei gjennom rådgjeving, prosjektleiing, kompetanseheving, nettverksbygging, samlokalisering og kommunikasjonsarbeid gjennom eigen nyhendekanal.

Siva har operatøransvaret for næringshageprogrammet, medan fylkeskommunen er oppdragsgjevar. Med ein visjon om å «Utvikle bærekraftig og fremtidsrettet næringsliv i distriktene» bidrar Siva med tilskot, kompetanse, verktøy og eit nasjonalt nettverk til 38 næringshager over heile landet.

Gjennom næringshageprogrammet bidreg Siva med 1,8 – 3,6 millionar kroner i årleg tilskot som kvar næringshage nyttar til å utvikle verksemder. Næringshagane får òg tilgang til utdanningsprogram, kurs, nettverksarenaer, metodikk, malar og beste praksis for forretningsutvikling og kommersialisering.